Tratamentu di HIV.
Tratamentu di HIV.
For di 1996 HIV por wòrdu tratá ku un terapia kombiná. Den e periodo tras di lomba, mas i mas remedi pa trata HIV a bini aserka. E espektativa di bida pa personanan ku HIV ta mesun largu ku personanan sin HIV.
Tratamentu di HIV ta konsistí di un kombinashon di tres remedi kombiná den un píldora ku mester tuma tur dia. E ta blòkia e multiplikashon di e vírùs ku tin komo resultado ku bo no ta bira malu i no por transmití e vírùs.
Kuá remedi ta de-aselerá desaroyo di HIV?
Ta asina ku e multiplikashon ta tuma lugá den vários etapa, i blòkiando un òf mas di e etapanan aki, e remedi ta impedí multiplikashon di e vírùs i e ta bira indetektabel den sanger.
"No detektabel" ta nifiká ku e vírùs no por keda transmití.
Hopi desaroyo den tratamentu di HIV.
Tin hopi desaroyo den tratamentu di HIV. E kalidat di e tratamentu a krese enorme. Tin mas konosementu di kua kombinashon di remedi ta mas efikas. E kombinashonnan aki tur ta keda suministrá den forma di un pulchi. For di 2019 tin no ménos ku 10 kombinashon konosí pa trata e vírùs. Por resultá ku nèt den bo kaso, niun di e píldoranan aki ta efektivo i ku dòkternan mester traha e mihó kombinashon spesífiko ku ta funshoná pa bo. Desaroyo di efikasia i efektividat di kada remedi ta kontinuá i tratamentu ta bira kada bes mihó.