Kon bo ta kontraé HIV?
Asin'aki bo por kontraé HIV.
Di e forma aki bo por kontraé HIV: den 95% di kaso, HIV ta keda transmití via relashon seksual sin protekshon. HIV por ta presente den sanger, spèrma i “voorvocht”, líkido vaginál i lechi di mama. Si un di e líkidonan aki drenta den kontakto ku un hende su sanger òf su “slijmvlies” tin posibilidat di transmishon di e vírùs. Esaki nan por ta via di un di e líkidonan ariba menshoná.
Esaki ta nifiká ku bo por kontraé e viro tambe via di:
-
Relashon seksual sin protekshon
-
Inyekshon di droga ku angua usá
-
Komo bebi di un mama ku e vírùs
-
Den kaso di un transfushon di sanger
-
Si bo hinka bo mes ku un angua ku sanger kontaminá
Bo NO por kontraé HIV dor di:
-
Kontakto di kueru. Bo por duna otro man òf brasa otro libremente. E vírùs no por pasa dor di kueru, ni maske bo ta den kontakto ku herida di un hende kontaminá ku e vírùs. Solamente den kaso ku tin kontakto entre dos herida formal ku ta sangrando profusamente tin chèns pa infekshon.
-
Sunchimentu inkluso den boka ku leng: skupi no por transmití e vírùs.
-
Tampoko via di e brel di wc òf otro artíkulo di uso personal. E vírùs no por eksistí pafó di e kurpa, asina ta ku tampoko via bebe for di un kòpi, usa fòrki ku kuchara òf paña di kama.
-
Aparatonan den Gym: sodó di un hende òf asta un spat di sanger no por transmití e vírùs.
-
Aparatonan di un dentista: tampoko.
-
Hala rosea: e vírùs no por wòrdu transmití via airu, asina ta ku tosa ni nister no por pega hende.
-
Duna promé asistensia: higiene ta importante. Sea kouteloso ora tin tin sanger embolbí.
-
Sangura: e kantidat di sanger enbolbí ta muchu tiki.
-
Komestibel i landamentu: e vírùs no por sobrebibí den awa òf pafó di e kurpa.
Bo mester di yudansa?
Si abo òf un persona den bo serkania tin HIV òf Aids esaki por trese hopi pregunta.
Yama nos libremente riba nos number di telefòn +5999 9 677 566
P’esei nos t’ei!
Kiko ta sekso insigur?
-
Sèks vaginál sin kondon (pénis den vagina) maske no tin ehakulashon (sakamentu di spèrma) tin riesgo pa kontaminashon pasó e vírùs ta presente den e líkido pre-seminal (voorvocht) i líkido vaginal.
-
Sèks anal sin kondon (pénis den ano)
-
Maske no tin ehakulashon tin riesgo pa kontaminashon, pasó e vírùs ta presente den e líkido pre-seminal i tambe den líkido anal.
-
Sèks oral: di vagina, pénis i ano. Si no tin sakamentu di spèrma òf sanger den boka, no tin chèns pa transmishon di e vírùs. E skupi den boka ta impedí funshon / transmishon di e vírùs ku no ta presente den e líkido pre-seminal òf vaginál.
-
Uso di huguete seksual: uso di esaki nan dor di ámbos òf mas partner seksual riba otro sin usa òf kambia kondon tambe ta riesgo.
Bo por haña yiu si bo tin HIV?
Bo por traha / haña yu normal si bo ta HIV positivo. E yu no nesesariamente mester nase ku HIV. Si bo risibí tratamentu, bo no por pasa e vírùs pa bo partner ni e yu. Un vírùs suprimí dor di remedi ta indetektabel, pues no transmitibel dor di kontakto seksual. Un hende muhé ku ta tene su mes na e tratamentu i i tin e vírùs suprimí, por sali na estado i duna lus normal. E chèns ku e bebi tambe ta haña e vírùs ta kasi nihil.